ဟယ်လို ဒီဇင်ဘာ
ငါ နင့်ကို စောင့်နေပါတယ် အရင်နေရာမှာ
အရင်လို အကြင်နာတွေနဲ့ နာကျင်နေရင်းပါ ။
နှင်းတွေ ဟိုအရင်လို သည်းသည်းလှုပ် ကျမနေလည်း
ငါ နင့်ကို အရိုးခိုက်အောင် လွမ်းနေမိတုန်းပါ ။
ကောင်းကင်ပြာပြာမှာ ကြယ်တွေမှုန်ရီလင်းတဲ့ညတိုင်း
ငါ နင့်ကို သတိတရနဲ့ ငေးကြည့်နေဖြစ်ဆဲပါ ။
ဟယ်လို ဒီဇင်ဘာ
နှစ်တွေ လတွေ ရက်တွေ နင်ဖြတ်သန်းခဲ့ရာမှာ
အရင်လို အေးစက်နေဦးမယ်ဆိုတာ သိနေလည်း
အရင်လို မှိုင်းပျေ၀၀ါးနေဦးမယ်ဆိုတာ သိနေလည်း
အရင်လို နေခြည်တွေပျောက်ဆုံးနေဦးမယ်ဆိုတာ သိနေလည်း
နှလုံးသားထဲ နွေးထွေးဆဲအချစ်တွေနဲ့
ငါ အရင်လို စောင့်လို့နေဦးမှာ ။ ။
BY : CORAL85
Labels: poem
Subscribe to:
Post Comments (Atom)
0 comments:
Post a Comment